تغسلني ردت بيدك

وتنزّل جثتي اِبگبري

تنتيك يبني يا عباس

او يريت ابحالتي تدري

وينك يبو الغيره

هاي أُمّك ابحيره

دمعي يِهِل

يا بالفضل

سكنت البيد من بعدك

ولا آني سكنت ابدار

لا ليلي بعدكم ليل

يبني ولا نهاري اِنهار

بعد احسين يا عباس

مبناي انهدم وانهار

بنيت اگبور يبني اِلكم

وبگيت انعه ابدمع مدرار

يا بالفضل يبني

اوليدك يناشدني

وحته الطفل

يا بالفضل

چن أسمع يجاوبها

ويگلها يُمه اِعذريني

اشلون اگطع فيافي البيد

وسهم النايبه اِبعيني

واحفر گبرچ ابيا اِيد

ولا يسراي او يميني

تگلّه نام واِتهنّه

بالهم وحدي خليني

ردتك تغسلني

والگبري تحملني

من اَرتحل

يا بالفضل