اعتب ومن حگّي العتب ويّاكم

يولادي واتلفت العمر برباكم

اطلبكم ابدر الوفه الغذّاكم

يهل الشيم امكم واريد انخاكم

حگ الوفه اوياي

* * *

يلمن صلب حيدر علي منبعكم

او ثدي الوفه يهل الشيم راضعكم

ردّوا الجواب عليّه خل اسمعكم

ابگه ابأمل لو عالاثر اتبعكم

حگ الوفه اوياي

* * *

اتلگّه الظعون التجي واْنشدها

وآخذ خبر يهل الوفه من عدها

شبّان اليّه وحيدره والدها

گصّرت لو ابدت وفه ابموعدها

حگ الوفه اوياي