حظرني الموت واطلب يبني تحظرني

يبو اچفوف الگطيعه لا تخيّبني

بدموعك يبو فاضل تِغَسّلني

واريدن بيدك ابگبري تنزّلني

يوليدي ظنيت .. تحظر مصابي

بالامل ظليت .. اسمع عتابي

* * *

ربّيت وشگيت وچان كل فكري

احضه بالوصال أبشيبي وبكُبري

عندي اربع بنين وبيّه ما تدري

أنطوت صفحه حياتي وهالگضه عمري

محّد لفاني .. وأسبل اديّه

آيا زماني .. وصوّت عليّه

* * *

يا غصن المودَّه المنگطع فرعه

ويا ماي الدليل الّي نضب نبعه

صفت عشرتنه مثل الخيط والشمعه

وذبنه بالوفه للطاهره البضعه