حيّرت فكري ابمغيبك

وغيبتك يحسين غيبه

يمته تتلاگه الحبايب

وكل محب يشكي الحبيبه

المعتني الأخطار لاچن

گلّي شيرجعه او يجيبه

مدري شيظملي زماني

يا رزيّه او يا مصيبه

يبني يا روح الزچيّه

اربعه انطيتك هديّه

فدوه الك روحي او بنيني

عالدرب مشبوحه عيني

اربعه يبني امن اخوتك

اتعبت واشگيت ابرباهم

والدك وصاني بيهم

او هوَّه من طيبه سگاهم

الكربله گلّي اضخرتهم

وانه متبرعه ابدماهم

آنه اعرفهم نشامه

اوالدك يعرف وفاهم

للزچيّه انطيب ولدي

وارد اوفّي اوياها عهدي

وللوصي ارد اوفي ديني

عالدرب مشبوحه عيني

لون املك قابليه

الكربله چان اعتنيتك

وارد اشوفن وين صرتو

اوين حلّو اهل بيتك

جيّتك اَيسّت منها

او ما ظن اتعود الثنيتك

انخمش گلبي وگمت احسّب

وخفت لا تدنه منيتك

يبو اليمّه او ريت دهري

گبل عمُرك گصف عمري

الاجل ريته يعتنيني

عالدرب مشبوحه عيني