طالت سفرتك وكليبي يتربّه

تره الفاجد حبيبه حالته صعبه

كل عمره غريب ايعيش بالغربه

لمن يلفي محبوبه ويرد گُربه

إلى الحُسين زادَ حنيني

* * *

تنيتك والدليل اِهروشه متگطعه

وبدروب اِنتظارك ذبت چالشمعه

والراح ابطريق الموت شيرجعه

تظل بچفوني من دم تهمل الدمعه

إلى الحُسين زاد حنيني

* * *

يمته ابجيّتك يبني يبشروني

ومن بعد الغياب اتشوفك اعيوني

آنه اربع بنين اوياك فجعوني

بلچن للزچيه اوفي بديوني

إلى الحسين زاد حنيني