جمله افعالمى آلقشلر ايدر كن حتى

ضررمدن قجنور اولدى او شيطان رجيم

مدد اى مغفرتى قهرينه غالب الله

جرمم اقرار ايده رك لطفكه اولدم تسليم

قطع اميد ايده مم مرحمتكدن حاشا

ايلر ايمانى آيات كريمه ك تحكيم

شرمله دفتر اعمالمه ايتدم اجمال

چيقدى بر مرتبه به فذلكه شوم وخبم

چكه مز ثقلت عصيانمى ميزان حساب

ايتسه اجز اسنى بيك پارچه يه طرح وتقسيم

كچمكه يولمى ويرر بونجه ذنوبمله صراط

طوغريدر طوغرير لره بن ايسه معيوب وسقيم

سير ايدن امتعه معصيتم محشرده

حير تندن اونودر كندولرين اهل قويم

بن ته يوزله اوله يم راغب جنت زيا

اولدى ابرارى مكافاته محل دار نعيم

كورديكى انده بنى فرط غضبدن دوزخ

ارتيرر شدتنى نفرت ايدر اهل جحيم

عجزيله در كهكه وضع جيين ايتدى جلال

الأمان مرحمتي واسع اولان ربّ عليم

نورايله نار مياننده قالورسمده نه غم

سائل باب رضايم مدد اى ربّ رحيم