يا ميّتاً تركَ الألبابَ حائرةً

وبالعراء ثلاثاً جسمه تُركا

گعدت يم ابنها ابكربلا الزّهرا

تشمه ابمنحره او تبچي أو تجر حسره

تگله النوح بعدك صار من طبعي

وَنَه ابگبري اون اعليك نوب انعي

يبني انسيت لطمت عيني او ضلعي

ابمصابك يبني شنهو ضلعي أو كسره

أو عگب ما يبني للدين ابذلت عزمك

أو سال ابكربلا ويه أخوتك دمّك

هاي آنه جيتك واگعدت يمّك

او على افراگك ابدلّالي اسعرت جمره

يوليدي ابها لليلة تعنيتك

تشاهد حالتي ابعينك تمنيتك

يبعد الروح انه امّك الربيتك

يمّك جاعده يحسين عالغبره

عليمن هالأعادي حلّلوا دمّك

او عليمن وزّعوا باسيوفهم جسمك

احچي اوياي يبني امن اهتف باسمك

او على ذبحك دگلي ياهوا تجرّه

أيا ناعياً إن جئت طيبة مقبلا

فعرّج على مكسورة الضلع معولا

فحدّث بما مضَّ الفؤاد مفصلا

أفاطم لو خلت ال حسين مجدّلا

وقد مات عطشاناً بشط فرات