في عصبة من هاشم علوية

طهرت أرومتهم وطاب المولد

ساروا ولو لا قضاء الله يمسكهم

لم يتركوا لبني سفيان من أثر (١)

طلعوا آل هاشم عن وطنهم

وظل خالي حرم جدّهم بعدهم

ساروا ابليلهم وابعد ظعنهم

ولن صوت العليلة ابگلب محتر

دريضوا هنا يهلنه للعليلة

يهلنه افراگكم مل ليش حيلة

يهلنه بعدكم ما نام ليلة

او عيني من بعدكم دوم تسهر

يهلنه خلّوا خوية الطفل بالله

يظل عندي وارحوا وداعة الله

يهلنه من المرض گلبي تگلّة

يهلنه خلّوا خوية الطفل وسدر

بچن ويلي ونادنها دخلّيه

اهلها وابحضن امّه درديّه

طفل وفراگ اُمّه يصعب عليه

ولا اُمّه على فرگاه تصر

صاح يا حسين يا فاطم دردّي

دردي للمدينة وطن جدي

اودّي لچ على ابني او چبدي

ولابد ما تجي يمچ امخبر

ردّت للمدينة وسار أبوها

او ظلّت ترتقب عمها وابوها

ظنّت فاطمة لنهم يجوها

اخوها والبطل عمها المشكّر

مَن منشد عن صحب هُنا نزلوا

مثل البدور بها الأنوار تشتعل

بالأمس كانوا معي واليوم رحلوا

وخلّفوا في سويد القلب نيرانا