لمّن شافت الوادم

تتصارخ لفت ليها

كلها تجذب الونه

او تنعه ابفگد واليها

طاحت على الوجه عالگاع

لاچن انغمه اعليها

لفوا ليها يشوفوها

وبفگده يعزوها

من گاموا حرچوها

لنها امفارجه الدنيا

اعلى اخيها المامش امثاله

ماتت حين ما سمعت

ابموت الرضا المعصومه

ما شافت ترضه الخيل

والدم غير ارسومه

الله ايساعدچ عالضيم

يا زينب المظلومه

شافت وليها اعلى الثره

والشمر يگطع منحره

او جثته ابدمها امعفره

المعصومه اخوها انشال

فوگ الروس واتشيّع

او جسمه الطاهر اتغسل

ابدال الماي بالمدمع

وزينب شافت المظلوم

جسمه اعله الثره امگطع

اوراحت يسيره اويه العده

اوياها اليتامه امگيده

اوراسه اعلى عسال انهده

او عگب احسين محملها

خوله او زجر يبراله

ايسوقها زجر يضرب متونها

والشمر يحدوها بسبّ أبيها