يبويه انروح كل احنه فداياك

اخذنه يا عزيز الروح وياك

اهي غيبة يبويه واگعد اتناك

واگولن سافر او يومين يسدر

يعيني اعلى الرضا سحّي الدمع دم

يگلبي اعلى ابو محمد تلچم

لا اخو عنده ولا ابن عم

وحيد ابدار غربة بين اليدين

يعين المجد يلچفك تياره

يبو محمد ازيارتك احسن تياره

عسن سم الذي بچبدك تياره

جرى ابچبدي او رحت دونك فديه

على امصابك يبن موسى ذاب الگلب واتفطّر

گضيت العمر بالغربة امشرّد يا شبل حيدر

عليك انوّح ليل انهار وانهل الدمع غدران

بسما نذكر امصابك يا ريّس بني عدنان

شاذنبك والعدو سمّك نوب ابعنب وابرمّان

نوب او لا اختشىٰ امن الله او عليك الطاغي اتجسّر

لاچن هوّن امصابك علينه امن اجذفت چبدك

ابنك حضر يم راسك واعيالك طبگ عندك