الجنوب ، وغزو كلهم أهل الوشم وسدير والمحمل والجنوب الأقصى ، وأومأ لبادية الجنوب ، وقاصد الشريف.

الشريف سبب مظهاره الأشرار كثروا عليه الأشوار ، وقالوا : أهل نجد مالين من ابن سعود لكن ما جاهم أحد يرتكون عليه والاهم والمين لأي أحد ، وأنت لو تظهر وتأصل ركبه أو يعلمون فيك ألا نوخت عليك ركابهم ، فإذا وصلت نجد طاحوا يبينوا الذي عندهم على ابن سعود ، وأخذ هالجواب رأس مال ، ثم كاتب ابن سبهان مشي في هالوقت نريد نأخذ نجد ، أما ابن سبهان فكّر وإذا أهل بيشة هم فوه الشريف.

أما الشريف بعد ما وصل نفى أرسل لأهل شقرا يريد طعام يشتري ، قالوا ما عندنا شيء ، ثم أرسل للرس قالوا : كذلك ، ثم أرسل خط لأهل عنيزة قال : إني وصلت والمقصد أن رعايا ابن سعود مستاذين منه ومالين ، وهو أتلف الرجال وأذهب الأموال ، وأنتم يا أهل عنيزة خصيصة لنا وعندنا وصية ابن عون لأهل عنيزة ، وأنا أبي منكم السمع والطاعة ، حتى الذي غركم يقتدي فيكم ويأخذ رواتكم ، ولا تكفيه ، وأنا ما لي فيها حاجة يكفيني منكم السمع والطاعة حوزتنا وأنا أكفيكم ابن سعود.

وصل الخط إلى أهل عنيزة واستلحق الأمير وتراودوا على مجاوبته وجاوبوه في رمضان سنة ١٣٢٨ ه‍ مضمونه : مكتوبكم وصل وما عرف جنابك كان معلوم ، ولكن أنت مغرور لأهل نجد عندنا ما اشتكوا ولا استأذوا من ابن سعود ، وهذا تزوير من الأشرار الذين يحبون إثارة الفتن وأن تشيع الفاحشة بالمسلمين ، وهؤلاء إذا بغيتهم ما لقيهم ، أما حنا فحنا وابن سعود متساعدين على طاعة الله ورسوله وبيننا وبينه عهود الله