بارباروس طروغود كبى شانلى قوماندانلر

اك قوى دولتلر دهشت رسا بحريه مز

نور فياض هلالي شرق وغربه نشرايدر

ايتديرردى صيت تختى اعتلا بحريه مز

دورهء سلطان(عزيز)ده بك تكمل ايلمش

غبطه بخش افق مجد أوروبا بحريه مز

قدرت عثمانيان انديشه افزاي ملوك

دهره سطوت بار ايدي آهن لقا بحريه مز

ناكهان تخت مراده كلدى شاه نا مراده

باشلادى ادباره نجم بر ضيا بحريه مز

حبس اولندى نيم عصر محروم انوار كمال

دوشدى قوتدن او غايت معتنا بحريه

اويله كيم اسمى بيله نسياناولنمشدى اسف

قالدى بيكس ، بر يتيم بى غدا بحريه مز

ينجه بيداد استبداد ايله اغلارطورر

سلطنت بيرا او شكل دى بها بحريه مز

ملتك فريادينى كوش ايلمزدى بادشاه

وهمه قربان اولدى قالدى جانربا بحريه مز

غيرة الله طوقوندى عاقبت احوال شاه

((اتحاد)) فيضيله بولمشدر رها بحريه

خلع اولندى خسرو بى قيد اقبال وطن

اولدى انوار كماله ملتجا بحريه مز

فيض حريتله مشبوع جسم وجانى دمبدم

يوكسه لير نورله صاجار مهر انجلا بحريه

قدرتي جان بخش ملتدر بوكون بى

فخر ايدر بر جسم ايله فوز انتما بحريه مز

ناظر يدر بروجود شير طبع وبر وقار

كيم جماليله سراسر روشنا بحريه مز

فكر جالا كيله ذهن بار عيله آن بان

بولمه ده بر قدرت بى انحنا بحريه مز

نام وشانى زيور نوار ملك وسلطنت

ناظر سطوت رسانله مرتقا بحريه مز

رأسكاره كلديكى كوندنبرى اولباك زاد

شوق صهباى شرفله بر صفا بحريه مز

جيزديكي بروغرام ايله ماضيده كي اقبالنه

مظهر اولمقده خدا شكران سكا بحريه مز

حربحاضرده قوى موسقوفلرى بر باد ايدر

نام قانوني يى محيي آثاردها بحريه مز

بحر اسودده جناق قلعه محيطنده بوكون

ايلر اظهار جلادت جان فدا بحريه مز

بار لاتير نجم وهلالي مثل خورشيد فلك

افسر اورنك خاقان سرورا بحريه مز