ابن سعود لما وصل بريدة وبلغه خبر إقبالة ابن رشيد استجرد القصيم وغزو وطبوا عليه ، ثم استغزا عتيبة وبني عبد الله ما هم بعيدين وجاؤه.
ولما تحقّق ابن رشيد الخبر شدوا شمل ثم عدى يبي مطير ، وصار في وجهه فريق من البيات قدر خمسة وعشرين بيت ، وأكان عليهم وأخذهم ، وإذا مطير قريب منه فزعوا عليه ، وضربوا على طرف القوم ، وفكوا بعض الحلال وأخذوا بعض جيوش وقلعوا قدر خمسين فرس. ثم انفهق شمال.
وفي ١٥ ربيع ثاني عدى ابن سعود من بريدة شمال أكان على ابن ضميعر والغربان من حرب بطرف الكهفة ، وإذا العرب مستحسين ومنيرين الحلال ، وأخذ الحلة وديش قليل وانكف على بريدة.
في ثاني جماد أول ظهر ابن سعود من بريدة مجنّب ، فلما وصل الزلفي جاءه خبر كون ابن رشيد وظن أنه بعد الكون ينكفون شمر على أهلهم ، وابن رشيد يبقى وحده ثم استجرد مطير وبرية والعبادل وبعض عتيبة ، ولحق ابن رشيد بريدة ، ويريد تالي عربه ، ثم استنذر ابن رشيد.
ابن سعود لما وصل جراب وقف ونزل عليه قدر عشرة أيام ثم انفهق ونزل الأرطاوية ، ثم شدّ وقصد الرياض ، دخلها في ٢٠ جماد أول وأخيه محمد يرجع إلى بريدة ثم شدّ محمد وقصد الرياض.
في دخول جمادى أول سنة ١٣٣٣ ه : عدى ابن رشيد المعدى الذي أطله فيه ابن سعود وهو لما عدى وافقت سبورة أقضوب لمشاري بن بصبص ، ورموا السبور يحسيون ذولا من طرف العرب ، ثم غارت الخيل
![خزانة التّواريخ النجديّة [ ج ٨ ] خزانة التّواريخ النجديّة](/_next/image?url=https%3A%2F%2Flib.rafed.net%2FBooks%2F2174_tawarikh-najdiya-08%2Fimages%2Fcover.jpg&w=640&q=75)
