وليد الكعبة

السيد محمد رضا الحسيني الجلالي

وليد الكعبة

المؤلف:

السيد محمد رضا الحسيني الجلالي


الموضوع : العقائد والكلام
الناشر: انتشارات المكتبة الحيدريّة
المطبعة: شريعت
الطبعة: ١
ISBN: 964-8163-92-8
الصفحات: ٤٩٥

جمله افعالمى آلقشلر ايدر كن حتى

ضررمدن قجنور اولدى او شيطان رجيم

مدد اى مغفرتى قهرينه غالب الله

جرمم اقرار ايده رك لطفكه اولدم تسليم

قطع اميد ايده مم مرحمتكدن حاشا

ايلر ايمانى آيات كريمه ك تحكيم

شرمله دفتر اعمالمه ايتدم اجمال

چيقدى بر مرتبه به فذلكه شوم وخبم

چكه مز ثقلت عصيانمى ميزان حساب

ايتسه اجز اسنى بيك پارچه يه طرح وتقسيم

كچمكه يولمى ويرر بونجه ذنوبمله صراط

طوغريدر طوغرير لره بن ايسه معيوب وسقيم

سير ايدن امتعه معصيتم محشرده

حير تندن اونودر كندولرين اهل قويم

بن ته يوزله اوله يم راغب جنت زيا

اولدى ابرارى مكافاته محل دار نعيم

كورديكى انده بنى فرط غضبدن دوزخ

ارتيرر شدتنى نفرت ايدر اهل جحيم

عجزيله در كهكه وضع جيين ايتدى جلال

الأمان مرحمتي واسع اولان ربّ عليم

نورايله نار مياننده قالورسمده نه غم

سائل باب رضايم مدد اى ربّ رحيم

٣٢١

نعت شريف جناب نبوي صلى الله عليه وآله

مرحبا اى نور تكوين سوايه ابتدا

فيض حبك عالم امكانه ويردي انتها

مرحبا محبوب بى همتاى ذات كبريا

سيد الكونين سردار گروه انبيا

(دلده جانم دين وايمانم محمّد مصطفى)

سنسك اول نور صفا بخشاى بزم كن فكان

صورتك خير البشر دُر سيرتك سرّ نهان

اى اولان صدر برك عشق گلستان لا مكان

نشئه بويكله گلدى عالمه پيغمبران

(دلده جانم دين وايمانم محمّد مصطفى)

اعتلاى قدرينك برهانى معراج كزين

فرش راجك زلف حور وخادمك روح الأمين

با صمدى بنو سلّم منهاجه پاى مرسلين

ذاتنك مشتاقيدر هپ اوّلين وآخرين

(دلده جانم دين وايمانم محمّد مصطفى)

امتك اولمق تمناسن ايدردى اصفيا

مسجد اقصاده ارواحى ايدوب هب اقتدا

ايتدى بيعت امرينى اجرا بووجه اوزره قضا

امتكدر دير ايسم پيغمبران اولماز خطا

(دلده جانم دين وايمانم محمّد مصطفى)

٣٢٢

حب عشكقدر شها عشاقه نعمتدن مراد

فيض قربكدر شها مشتاقه جنتدن مراد

علّت غائيّه ايجادسك خير العباد

چوقميدر نطقه حضورنده كلور ايسه جماد

(دلده جانم دين وايمانم محمّد مصطفى)

امتثالاً امره شق اولمش ايكن سطح قمر

كورديلر بوحالتى منكر قالوب اهل شرر

اشته صُمٌّ وبُكمنك احكامى كوستردى اثر

بارك الله امتك اولديغمز دولت يتر

(دلده جانم دين وايمانم محمّد مصطفى)

نور ديدارندن آلدى فيض وپرتو آفتاب

انتشارندن منوّر در نجوم نُه قباب

ويردى بو جمليلة ترتيب مواليده سحاب

گلدى زينت عالمه اشيايى قيلدى فيض باب

(دلده جانم دين وايمانم محمّد مصطفى)

چار يارك عالم دينه جهات معتبر

اول هماماندر بوهيأته بروج اثنا عشر

قبه اسلامه اصحاب هُدى نجم ظفر

جمله اكوانه ذاتك آفتاب فيض اثر

(دلده جانم دين وايمانم محمّد مصطفى)

معصيتدن يوق بنمچون ذاتنه راه وصول

واراميدم لطف واحسانك بنى ايتمز ملول

٣٢٣

امّتمدندُر ديو ايلر ايسن عفو وقبل

ايلرم اولدمده عشّاقه سلامتله دخول

(دلده جانم دين وايمانم محمّد مصطفى)

اى نبى الرحمه رحم ايت چونكه اكرمدر گناه

ولسه ده مويم سفيد امّا كه رويم پك سياه

يا رسول الله جلاله شمدى گلدى انتباه

بارگاهك بن كبى عاصيلره اولمش پناه

(دلده جانم دين وايمانم محمّد مصطفى) (١)

در حق عالى حضرت امامين

روضه فيض حرمكاه محمّددن حصول

يعنى ايكى غنچه جانپاره ذات بتول

برى نسرين صفا نور دو چشم عاشقان

كيم حسن بن على سر لوحه عالم شمول

برى صد برك وفا محض شفاى درد دل

هم حسين بن على ديباجه صحف فحول

نيرين پر شرف طاق جهان معرفت

پرتو انداز عيون ومسلك آراى وصول

الامان سبطين احمد قرّة العين على

فخر امّت ذى كرم آرايش قلب ملول

دركه والا كزك قطميريدر كمتر جلال

اولميه رأفت نكاه فيض واحساندن ذهول

* * *

__________________

(١) أولين طبعده بر فصلى بعنوان (در اوصاف جليله چهار يار با صفا رضوان الله عليهم أجمعين) يازلمشدى كه نچه سطرى طبع اولممشدى ، بزده او فصلى طبع اينمه دوق.

٣٢٤

ديباچه منظومه مولد جناب امام على كرّم الله وجهه

ورضى الله تعالى عنه

حمد بى پايان اوله اول خالقه

ايلدى الطافنه پر لاحقه

اولمامش بر كيمسه حالا خامه ران

مرتضى مولودينى ايتسون عيان

ايتدى بو امر مهم ياده خطور

عجزم اولدى مايع رسم سطور

ايلدم حقه بو وجهله نياز

وير بكا يا رب بو يوزدن امتياز

گلدى شوقه خامه بى اقتدار

نظم مولود على يه اجتسار

بو غنيمتدر اولورمى هيچ فدا

ايليه بو خدمتى خامه م ادا

كيتمامش بو وادى يه فكر سلف

حصه مه قالمش ازلدن بو شرف

عجزه باقمز چون عطاسنده مجيب

ايلمش بن قولنه بخش ونصيب

لطف ايدوب توفيقنى اول ذو الكرم

شرميله آلدمِ اله كاغد قلم

ايتمدم ترتيبنه صرف شعور

ضبط ايدوب فكره نه ايتديسه ظهور

 اختصارى ايلدم چون التزام

قويمدم بو مبحثه فضله كلام

 كلشن عرفانه قيلدم يادگار

طاغيدر البت جهانه روزگار

 قارئين وسامعين اولسون بكام

ايده بزم اهلى صلاته اهتمام

 ايليان بو احقرى خيريله ياد

دو جهانده اوله لر مسرور وشاد

 كيم ديلرسه اوله راضى مصطفى

ايلسون جاندن على يه التجا

 سلّموا صلّوا على خير الورى

هم باسرار علىّ المرتضى

* * *

٣٢٥

الهي

اى ساقى كوثر امان

صف بسته عشقه امام

لطف ايله بر جام صفا

ايله نبى مست مدام

اى اهل دردك رهبرى

قيلمه ملول بو كمترى

بن امت پيغمبرى

اى حيدر عالى مقام

كوكلم خرابدر نافله

الماز بزى بر قافله

رحم ايت جلال غافله

محتاج سكا خاص وعوام

مقدمه مولد لطيف

راسم لوح حكمساز قضا

ناشر امر ونواهىّ رضا

نامنه ايتدى قسم ربّ الحرم

حق كلامنده بيوردى (والقلم)

لفظة اللهى يازوب زيب مقام

حمد ايدوب قيل عزمنه سوق كلام

(فاذكرو الله) امرينه ايت انقياد

يمن ذكر ايله اولور هريول كشاد

اول الله نامنى ياد ايده لم

سمت مقصوده او يولدن كيده لم

صدقيله الله ديسه بركز لسان

قالميه وزر ووبالندن نشان

گيرمامشكن صورته كون ومكان

وار ايدى اول خالق هفت اسمان

 ابتدا وانتها يوقدر اكا

ظاهر وباطن انكله رونما

 ذات پاككدن ديكر يوقد وجود

ذاتيدر انجق سزاوار سجود

 اولمسه توفيق رب مستعان

كيم اولردى ره رو امن وامان

 عشقكه يانسون بوتن پروانه سى

المسون دللر انك بيكانه سى

 آشنايه آشيانى قيل خراب

گلشن توحيده دل قيلسون شتاب

 استر ايسه ك نشئه يه فيض بقا

مرتضى يه ايله جاندن اقدا

 سلّموا صلّوا على بدر الهدى

هم بسرّ حضرت شير خدا

٣٢٦

نعت شريف جناب نبوىّ صلى الله عليه وآله

اى نبىّ محترم محبوب الله احد

وى شفيع محتشم مبعوث الله الصمد

اوليا واتقيا هپ بابكك محتاجيدر

سنسك اول قدرت رس احيا واحياى جسد

بن نصل ره برده وصلت اولم وحال ايله

وار ايكن كوكلم كوزنده يا رسول الله رمد

هم غبار روضه كى كمل ايتمكه يوقدر وجود

جسم زارم قابل تعمير كلدر المدد

بر نظر قيل يا رسول الله بولم تازه حيات

دل اويانسون عشقه دوشسون اولميه يول سد وبند

امت عاصيه دن بر ابتلا كشدر جلال

رأفت ايله اولمسون دوچار خسران ابد

مبحث مولد علىّ كرم الله وجهه ورضي الله تعالى عنه

اى محب صادق آل عبا

وى اولان كوكلنده اخلاص وفا

 مرتضى مولدينى دكله عيان

خامه م ايتسون وقعه يى شرح وبيان

 هاشمى كلزارينك خوش لاله سى

هم سعادت ماهنك بر هاله سى

 يعنى ام پاك شاه اوليا

حيدر كرّار علىّ المرتضى

 فاطمه بنت الاسد اولكامله

چون ابن طالبدن اولدى حامله

 گلدى اوّل پاكيزه يه بشقه شرف

حامل دُر يتيم اولدى صدف

٣٢٧

كچمده ايكن هفته وايام ماه

گلدى اوّل دل داره يه چون انتباه

 كوردى حملندن چوق انار عجيب

چون ظهوره گلدى احوال غريب

 سال فيل اوثوزينه يتدى همان

يگرمى اوچ ييل هجرته واردى زمان

 سوق ايدوب حق قدردن اعلان آنى

اون او چنجى رجبك جمعه كونى

 اولمشيدى مدت حملى تمام

اولدى اول كون عازم بيت الحرام

 انده ايكن حامل شير نره

اضطرابندن او توردي بر يره

 فطرت ذاتيه سى پاك وطهور

كيم تجلّىَ ازل ايتدى ظهور

 كيمسه يه واقع دكل كن بو شرف

طوغدى بيت ايچره همان خير الخلف

 بصدى بغرينه اودم نوزداينى

هم اسد تسميه قيلدى آدينى

 استر ايسن مصطفايه انتساب

قيل رضاى مرتضايى اكتساب

 سلّموا صلّوا على خير الورى

هم باسرار علىّ المرتضى

در ستايش حضرت امام علىّ رضي الله عنه

نخل والا ميوه عزّ وشرافتدر على

صلب پاك ومبدأ سرّ سيادت در على

زوج زهرا نور عين احمد اُم المؤمنين

فرق امّتده ولا يتله سعادت در على

قافله سالار معنا منهج فيض وصال

ره روان عشقه مصباح رشادت در على

ذاتنه فر توجهدن بيورمشدر رسول

ذكر نامى امته محض عبادت در على

آستان فيض احسانك كداسيدر جلال

منبع وجود وعطا لطف وسخاوت در على

در بيان وقوعات اخيره

آلدى مولودك كتوردى دارينه

حيرت ال وبردى بتون جيراننه

٣٢٨

كيم ابو طالب كوروب اولدى بكام

كورمامش چون اوغلونه بكزر غلام

مادرى ايتدى اكا يابو الولد

والدم آدينى قويدم بن اسد

سويلدى اولدمده نوزاد ولى

بنده قويدم اوغلومك آدين على

كلديلر هپ اقربا وآشنا

قيلديلر تبريك نوزادى ادا

بيت ايچنده مقدمينى خير فال

ايتديلر بو بحثه دائر قيل وقال

قيلمدى رغبت برين ثدياننه

ره اولور دست ايله واران ياننه

ايلدى تشريف محمّد مصطفى

آلدى نوزادى قوجاغه پسر وفا

ديدى اكا مرحبا خير الولد

مرحبا بن فاطمه بنت الأسد

مرحبا اى نور پاك نو ظهور

مرحبا اى ساقى جام طهور

مرحبا اى سلسله ساز علا

مرحبا اى پايه اراى ولا

كورمدى امثالنى چشم سلف

بويله عالى منزلت خير الخلف

٣٢٩

وضعنى ايتدى بووجه اوزره عيان

ذات پاك مصطفى معجز بيان

مادرى طفلك شكايت ايلدى

كميسه دن سود اممه ديكن سويلدى

ويردى آغزينه دوداغك مصطفى

شوقله امدى دوداغك اولا

حاضرون بوحاله حيران قالديلر

فُلك فكرى بحر بهته صالديلر

ديى پنچه زن اولور حيدر دراول

بو تجليده بولنمز بشقه قول

مصفى دن آلدى حيدر نامنى

هم دوداغك امدى بولدى كامنى

بيل كه بعثتدنده اون ييل اقدمى

واقع اولمشدى علينك مقدمى

كسب قرب استر ايسن پيغمبره

التجا ايت ازدل وجان حيدره

سلّموا صلّوا على خير البشر

هم باسرار على عالى گهر

بر عليل دردمندم يا على سندن مدد

بر ذليل مستمندم يا على سندن مدد

بر طرفدن نفس كمراه بر طرفدن درد وغم

رشته الامه بندم يا على سندن مدد

٣٣٠

كچدى غفلتله زمانم آلمدم بر ذوق جام

ظلم ايدوب كنديه كندم يا على سندن مدد

اويله سر مست هوايم با كه يوق بندن خبر

اويله پابند كمندم يا على سندن مدد

گرچه مجر مدر جلال اما نه غمدروار ايكن

سن كبى شاهم افندم يا على سندن مدد

در بيان احوال واوصاف جليله حضرت إمام

كلبرو اى عاشق پرتاب دل

درد ايله هر دم علو خيزاب دل

 دكله بو منظومه سوزش نوا

اوله سوداى سقيمه خوش دووا

كرچه بى پاياندر وصف ولى

ميمنت افزاى اوصاف على

انتساب عزميله اولدم خامه ران

بوقسه حدممى ايدم عين بيان

آستانك بكلرم صح ومسا

بر عليل دريوزه در دست كدا

ايده لم بحثمزى بويله كشاد

لطف احمد له على يه استناد

 والدينى ايتديلر عمرى تمام

اون ياشنده قالمشيدى اول همام

 اولدى محمىّ جناب مصطفى

پرورش ياب حرمدى مرتضى

 هاشميدر ايكى باشدن اول نسيب

اندن اول يوق ايدى بويله حسيب

 ايليوب جلب توجهله رضا

اولدى داماد رسول كبريا

 محرم حجله كه ذات بتول

سر وسره بولدى بوزدن وصول

 كيم قران ايتدى قمر ايله اسد

اولدى معناده اوچيده بر جسد

 (جسمك جسمى) بيور مشدى رسول

ايله عرفان ياله بو رمزه وصول

٣٣١

نخل گلزار تجلّيدن ظهور

ايتدى ايكى غنجه صديرك نور

بو ايكى غنچه جهان آرا همين

اولديلر دستار زيب مؤمنين

بر حديث ترجمه سى وااضح جلى

شهر علمم قاپوسى اولدى على

كور نه ايمش پايه قدر إمام

اكلا نولدى حكمت سر كلام

 صلب پاكندن الى يوم القيام

چون سيادت ايليه جكدر دوام

 چوق احاديث شريفه سانحه

حقلرزنده هم دعا هم مادحه

وارد اولمش حيدره ايتمك نظر

كيم عبادتدر ديو اشبو اثر

 بن كيمه مولا ايسم همده على

اولدى مولاسى انك بو منجلى

 كيم على يه حب ايدر باكه ايدر

باكه محبت ايسه حقه كيدر

 بغض ايدنلره بيورمشدر رسول

لعنت ايله ياد اولنه اول فضول

وارد اولمش بر حديثنده دخى

ايكى عالمده على باكه اخى

كيم علي يى فرق ايدر بندن همان

نبى فرق ايتمش اولورلر بى گمان

ينى فرق ايدن ايدر اللّهى فرق

امّته اولدى علي هم تاج فرق

مادى بويله حبيب الله اوله

اويله ذاتك وصفنه كيم سوز بوله

 كور علي در شاه مردان خدا

كيم علي در رهبر راه هدى

 كيم علي اولدى وليلر سرورى

اتقياى امّتك هم رهبرى

مرتضى اثرينه لازم اقتدا

كعبه عرفانه اولدر رهنما

بولانق افكاره ايتمز التفات

مستقيمانه كيدن بولور نجات

كيم كتاب وسنته سالك اولور

التفات حضرته لايق اولور

 صورت معقوله ده قيل اتّباع

ايله اوهام وخيالاته وداع

جمله مزدن راضى اولسون مرتضى

او رضادن راضى احمد له خدا

سلّموا صلّوا على خير الأنام

همده روح مرتضايه بر دوام

٣٣٢

در بيان مسلك صحيح

دكله كل اى ايليان دعواى عشق

دل اوى اولمق كرك مأواى عشق

يوقسه عشق نامن الان سرده هوا

هم مضل هم رهزن وهم بيدوا

 هيچ ايدرمى عشق تقليدى قبول

روضه عرفانه ايتديرسون دخول

اولا شرع شريفه انتساب

لابد اولمش كه اوله قرب اكتساب

 باب الابواب اولدى چون شرع منير

اولميان داخل اولورمى مستنير

 شرعله ايتمك كرك كسب صلاح

فتح اوله صكره اكا باب فلاح

رفرف عشق اوله اول جانه دليل

اچيلور منهاج پر فيض خليل

كر عقايد اولمسه وفق كتاب

سد اولور مطلق اكا راه صواب

منصفانه حصر ايدوب فكر جلى

راضيمى الله محمّد له على

كسب ايدن بو وجهله حسن خصال

اوله مظهر كيم تجلّى وصال

حفظ شرع الله ايچون اول نامدار

ايلدى بونجه غزايى اختيار

اتقاسن درك ايدوب اولمه عنيد

ايتديلر شاهى صلاة ايچره شهيد

كر محب حيدر ايسه ك بى ريا

اثرينه ايله سلوكه اعتنا

امرى طوت ايله نواهيدن حذر

چكميه سك صكره خسران وكدر

عاقله لا يقميدر فكر سقيم

مصطفى اثرى طور ركن مستقيم

جاهد دين مبين اولدى على

ماحى كفر متين اولدى على

مظهر سرّ محمّد در على

هم توجهدار احمد در على

ايله نفسكله جهاد اكبرى

بوله سن فيض رضاى حيدرى

 بو رضا عين رضاى مصطفى

هم رضاى ذات پاك كبريا

سلّموا صلّوا على فخر الأنام

هم علىّ وآل واصحابه تمام

٣٣٣

دعا وخاتمه

ربنا بخش ايت بزى پيغمبره

آل واصحابيله ذات حيدره

او قونان قرآن مولود وصلاة

همده تهليل ايله اخلاص بينات

عاجزانه ايلرز عرض حضور

هم قبول ايله اوله عفو قصور

اجرى اولسون روضه پاك رسول

ال واولاديله اصحابه وصول

هم اوله ارواح جمله مؤمنين

فضلك ايله عفو وغفرانه قرين

 باعث مجلس اولان آباد اوله

سامعين وقارئين دلشاد اوله

 ربّنا عفوايت بزم عصيانمز

عاجزز بر چوق درر طغيانمز

 ربّنا قويمه يزى بزه همان

لطف واحسانك دريغ ايتمه امان

 شاهمز سلطان حميد بن مجيد

عمر واقبالى اوله يا رب منريد

 صحّت وتوفيق ونصرتله مدام

سلطنتله ايله يا رب مستدام

 دشمنى وارايسه اولسون ربنا

قهر ونكبت هم مذلتله فنا

 عسكر اسلام منصور اللوا

همده حجاج كرام ذو صفا

 عافيتله ايده لر حسن ادا

خدمت مفروضه يى وفق رضا

 بن سليمان جلاله قيل عطا

فيض عشقك ايله توفيق ورضا

 قيل عنايت قوللرينه يا معين

رحمة الله عليهم اجمعين

* * *

باب والاى سر عسكرى مكتوبجيسى اديب شهر وشاعر روشن ضمير عطوفتلو احمد مختار افندى حضرتلرينك تقريض كونه انشاد بيوردقلرى دل رباى ارباب عرفان اولان منظومه بليغه در.

٣٣٤

بارك الله اى مقدس خامه مير جلال

بر اثر قيلدك كه عبرتكاه دهره يادكار

شير يزدانك تجلىّ وجود پاكنه

صانكه بر مرآت معنا در عيان وأشكار

بويله بر نظم بديعك حكمت تقديرينى

قادر اولماز وصفنه «مختار» عديم الاختيار

مكتوبئ سر عسكرى

أحمد مختار

خواجه دبستان عرفان ومرشد مشكل كشاى سالكان ، اعاظم رجال قادريه دن انزواگزين صفا ومرد ميدان صدق ووفا ، اسكدارى رشادتلو ، شيخ عثمان شمسى افندى ، حضرتلرينك ، چكيده خامه بلاغت كستريلرى اولان نشيده رعنا در.

حبّذا اهل سخن مير سليمان جلال

يازدى برنو اثر منقبه عال العال

يعنى سلطان ولايت كه على حيدر در

نظم ايدوب انك ايچون مولد سنجيده مقال

دخى حقنده شرف سانح اولان آثارى

مسلك نظمه چكوب ايلدى مانند نوال

بر سليمان يازوب مولد پاك نبوى

بر سليمان دخى مولد سر نامه آل

«شمس» تحسين ايدوب آثارينى قيلدم تقريض

ايليه سعينى مشكور خداى متعال

٣٣٥
٣٣٦

(١٠)

مسك الختاما

بما قيل في مولد الإمام عليه السلام

مجموعة من الأقوال المنثورة

والقصائد المنظومة

ممّا لم يرد

في النصوص والأعمال السابقة

اختارها

السيّد محمّد رضا الحسيني الجلالي

كان الله له

٣٣٧
٣٣٨

بِسمِ اللهِ الرّحمنِ الرّحيم

مع النثر

قال الشيخ زين الدين ، علي بن يوسف بن جبر (ق ٧ هـ) في كتابه «نهج الإيمان» بعنوان : مساواة الإمام عليه السلام مع عيسى عليه السلام ، ما نصّه :

[حصلت] ولادة عِيْسى مكاناً قصيّاً ، وولادة عليّ في جوف الكعبة (١).

* * *

وقال السيّد تاج الدين بن علي بن أحمد الحسيني العاملي في فصل الإمام الأول عليه السلام :

مولده عليه السلام بمكة ، داخل الكعبة ، على الرّخامة الحمراء ، ولم ينقل ولادة أحد قبلَه ولا بعدَه في الكعبة ، يوم الجمعة ، ثالث عشر رجب ، بعد عام الفيل بثلاثين سنة ، في ملك شهريار.

وكان رسول الله صلى الله عليه وآله يحمله على كتفه ويدور به شعب مكة صلوات الله على الحامل والمحمول.

أمساؤه كثيرة أشهرها عليّ عليه السلام.

__________________

(١) نهج الإيمان ، تحقيق السيّد أحمد الحسيني ، نشر مجتمع امام هادي عليه السلام ـ مشهد ، الطبعة الاُولى ، ١٤١٨ هـ.

٣٣٩

وروى أنّ اُمه وضعته في غيبة أبيه فسمّته أسداً ، على اسم أبيها ، فلمّا حضر أبو طالب سمّاه عليّاً ، ومن أسمائه : حيدر (١).

* * *

وقال الميرزا محمّد بن محمّد رضا القمي المشهدي ، في كتابه «كاشف الغمّة في تاريخ الأئمّة عليهم السلام» في المقالة الثالثة في أحوال أمير المؤمنين عليه السلام ، نحو ذلك بالضبط (٢).

* * *

وقال البُستي في «المراتب» :

وأمّا الفضل الثالث : وهو أنّ المرءَ يشرّفُ بولادته في بيت كبير :

فقد علمنا أنّه في الصحيح من الرواية عند جميع أهل البيت : أنّ فاطمة بنت أسد قالت : لمّا قرب ولادي بعليّ عليه السلام كانت العادة في نساء بني هاشم أن يدخلن البيت ويمسحن بطونهنّ بحيطانه فيخفّ عليهنّ الوضع ، فخرجتُ مع جنيني وقضيتُ حاجتي من البيت ، فلمّا أردت أن أخرج ؛ وإذا أنا بعليٍّ كأنّه عمود من حديد ، لم (٣) وولد من ساعته ، في زاوية الأيمن من ناحية البيت (٤).

* * *

__________________

(١) اليتيمة في تواريخ الأئمة ، المطبوع باسم «التتمة» غلطاً ، تحقيق مؤسسة البعثة ـ قم ، ١٤١٢ هـ.

(٢) كاشف الغمّة في تاريخ الأئمّة عليهم السلام ، تحقيق قسم الكلام والفلسفة في مجمع البحوث الإسلامية ـ مشهد ، ١٤١٩ هـ.

(٣) في المطبوع : كلمة غير مقروءة.

(٤) المراتب : ٥٩ ، تحقيق محمّد رضا الأنصاري القميّ ، انتشارات دليل ـ قم ، الطبعة الاُولى ، ١٤٢٤ هـ.

٣٤٠