الشيخ علي ربّاني الخلخالي
المترجم: السيد علي الحسيني
الموضوع : سيرة النبي (ص) وأهل البيت (ع)
الناشر: مؤسسة دار الكتاب الاسلامي
المطبعة: مطبعة ستار
الطبعة: ٣
الصفحات: ٣٨٣
صار الگلب خوفه على اوليدي حسين |
|
وابياكتر ما أدري ودّاه البين |
وين الشموس الساطعه غابت وين |
|
يمته يجون او تكف دمعتها العين |
لو رجعو نذر يصبع عليّه |
|
ورد أزرع طريق الغاضريه |
بلچي اتعود الأطياب |
|
وحشه اديار الأحباب |
وظلّت عالدرب مشبوحه عيني
* * *
في لوعة
ام البنين عليهاالسلام مع الحسين عليهالسلام
خُذْ روحي يا روحَ الأمينْ |
|
فِداكَ نَفسي والبنينْ |
يا حسينٌ يا كُلَّ حياتي
* * *
عزمت اعله السفر وگليبي ناداك |
|
اخذ روحي يروح الهادي ويّاك |
لون تمشي اشيصبّرني اعله فرگاك |
|
ابد لتظن دليلي لحظه ينساك |
حانَ الوِداعُ يا حُسينْ |
|
أدعوكَ والقلبُ حَزينْ |
يا حبيبي اِرحمْ عَبَراتي
* * *
تخليني او تروح او روحي متهود |
|
واَخاف ابروحتك يوليدي متعود |
هرش گلبي اويه گلبك يبني مشدود |
|
يبواليمّه حنيني ما اِله اِحدود |
يا راحلاً نحو المنَون |
|
أنعاكَ بالدمعِ الهَتون |
وبقلبي تَعصِفُ آهاتي
* * *
اَناديك ابدمع من دم مسيله |
|
ييمّه الياكتر ضعنك رحيله |
خَذِتْ كل عيلتك بس العليله |
|
واخافن سفرتك تصبح طويله |
نادَتهُ والدمعُ يَسيلْ |
|
بُني إلى أينَ الرَحيلْ |
فَتَمهّلْ ثَقُلَتْ خَطواتي
* * *
رحت يبني او كثر شوگي او حنيني |
|
وبگت يبني اعله دربك تربي عيني |
الك فدوه يبواليمّه بنيني |
|
اريدك يبني بس سالم تجيني |
طالَ الفِراقُ والصُدودْ |
|
يا غائباً متى تَعودْ |
فَتَقَبّلْ ربي دَعَواتي
* * *
دليل اِبغيبتك هرشه تگطّع |
|
وعله اِفراگك بگه يلعه اِو تصدّع |
فداك الاربعه بس ليّه ترجع |
|
آنه روحي اِبفگد روحگ متهجع |
ما دمت عن عيني بعيد |
|
فالقلب في حزن شديد |
يا ولدي سَتَحينُ وفاتي
* * *
آنه اَربع وِلِد لجل الزچيّه |
|
اقدّمهم الك بالطف هديّه |
نِذر يوليدي بس ترجع عليّه |
|
ابورد ازرع طريق الغاضريه |
عنْ مُقلَتي غابَ الكَرىْ |
|
لَمْ اَدرِ عنكَ ما جرى |
بِدموعي أكتُبُ كلماتي
* * *
مثل حنّي الورگ بُعدك حِناني |
|
وعلى اِدروب السفر ظليت اَتاني |
خُبَر مِنّك ولا طارش لفاني |
|
ييمّه اِبياكثر ذبّك زماني |
الحُزنُ قد أعيى الفؤادْ |
|
والجَفنُ لا يهوى الرُقادْ |
ورُقادي فَوقَ الجَمَراتِ
* * *
في الشوق إلى الحسين عليهالسلام
زادَ حنيني زادَ حنيني |
|
إلى الحُسينْ زادَ حنيني |
گلبي ابعذابه |
|
يشرح مصابه |
إلى الحُسينْ زادَ حنيني
* * *
من يوم الرحت روحي مشت ويّاك
وعلى اِردوب انتظارك گلبي ظل يتناك
رحت عنّي وكثر ونّي على فرگاك
يبواليمّه الگلب ما يصبر اِبلياك
يا نُورَ عيني يا نُورَ عيني |
|
قلبيْ حَزينْ يا نُورَ عيني |
ما رد جوابه |
|
يشرح مصابه |
إلى الحُسينْ زادَ حنيني
* * *
گِلِتْ مِنْ السفر سالم لون اِتعود
الطريق الطف يبو اليمه اَزرعه اورود
اَفديك ابنيني بس ترد اردود
دليلي ابغيبتك يلعه وابد ميهود
قد غبت عنّي قد غبت عنّي |
|
بني حسين قد غبت عنّي |
ايشجرع غيابه |
|
يشرح مصابه |
إلى السحين زاد حنيني
* * *
اجرعت من الصبر يأهل الصبر مُرّه
ابچاسات الألم يزگيني كل مرّه
آنه ام البنين وگلبي شيصبره
لون من عيني غايب مهجة الزهره
يعلو أنيني يعلو أنيني |
|
في كلِّ حين يَعلو أنيني |
ابدمع انتحابه |
|
يشرح مصابه |
إلى الحُسين زادَ حنيني
* * *
يبني اربع بنين اتروح الك فدوه
حياتي ابغيرك ابداً كلشي ما تسوه
يا ريع الدليل البيه أتروّه
لو تدري ابدليلي بُعدك اشسوّه
قلبي يُنادي قلبي ينادي |
|
طال الفراق قلبي ينادي |
يبعث كتابه |
|
يشرح مصابه |
إلى الحُسين زاد حنيني
* * *
طالت سفرتك وكليبي يتربّه
تره الفاجد حبيبه حالته صعبه
كل عمره غريب ايعيش بالغربه
لمن يلفي محبوبه ويرد گُربه
فداك عُمري فِداكَ عُمري |
|
متى تَعود فِداكَ عُمري |
ابهاي الغرابه |
|
يشرح مصابه |
إلى الحُسين زادَ حنيني
* * *
تنيتك والدليل اِهروشه متگطعه
وبدروب اِنتظارك ذبت چالشمعه
والراح ابطريق الموت شيرجعه
تظل بچفوني من دم تهمل الدمعه
طالَ انتظاري طالَ انتظاري |
|
أشكو العَذاب طالَ انتظاري |
هذا خطابه |
|
يشرح مصابه |
إلى الحُسين زاد حنيني
* * *
يمته ابجيّتك يبني يبشروني
ومن بعد الغياب اتشوفك اعيوني
آنه اربع بنين اوياك فجعوني
بلچن للزچيه اوفي بديوني
إنّ بنيني إنّ بنيني |
|
لكَ الفداء إنّ بنيني |
گلبي ابعتابه |
|
يشرح مصابه |
إلى الحسين زاد حنيني
في وفاة
أُمّ البنين فاطمة الكلابيه عليهاالسلام
مصابي اليوم كثره اِگلوب يدمي
اديّه ماتن وهالمات يدمي
اطلبچ يلمنيّة ابسرعه يدمي
گبري حفرته اچفوف الرزيّه
* * *
تخاطب ولداها العباس عليهالسلام :
يعباس الصبر هَدها وفتها
ومراسيل الأجل لأُمّك وفتها
كل اعهودها ابدمكم وفتها
العلي الكرّار والزهره الزچيّه
* * *
جواب العباس عليهالسلام :
اَجيچ اشلون واگطع چيف بيداي
يمّ الاربعه وكل جسمي بيداي
اَغمَّض جفنچ اتمنيت بيداي
مگطوعه يحيف اثنين اديّه
* * *
هاذي فاطمه او يا أُمّ مثلها
ابوفاها تظرب الوادم مَثلها
بالطف حي ابوفاضل مثّلها
واِخوته العانگوا جيد المنيَّه
* * *
في حق
فاطمه الكلابيه عليهاالسلام
ويلادي النشامه |
|
اِتعودون اِبسلامه |
بيكم آنه مفتخره |
|
وافوا الطاهره الزهره |
اتعودون ابسلامه
* * *
آنه يا شُبان أُمكم |
|
يلربيتوا ابوسط چبدي |
ابذلت كل حيلي وجهودي |
|
وابرباكم امل عندي |
بيكم ارد اوفي الزچيّه |
|
يل الولد كل هذا گصدي |
يا ما ليالي ساهرت |
|
واتعاب برباكم شفت |
من لبن طاهر رضّعت |
|
وعمري صار الكم يولدي |
كل ذيچ الليالي |
|
مرسومه ابخيالي |
هذا اليوم انتظره |
|
وافوا الطاهره الزهره |
اتعودون ابسلامه
* * *
اوصيّه وصاني ابوكم |
|
حيدره حامي الحميّه |
وآنه كل عمري نذرته |
|
من اجل هاي الوصيّه |
ذخر گال الولد عندچ |
|
والوفه بالغاضريه |
ويلادي ولد الغانمه |
|
واربات حمّاي الحمه |
لحسين مهجة فاطمه |
|
خلّو وگفتكم سويّه |
حيدر وصّه بيكم |
|
وظل باله عليكم |
صحت وآنه مبتشره |
|
وافوا الطاهره الزهره |
اتعودون ابسلامه
* * *
يلولد كل أُم حنينه |
|
ثمره ترجه من سهرها |
وانتو يا ثمره دليلي |
|
او يا اصبي عيني ونظرها |
آنه أُمكم يبعد امكم |
|
الرَخُصَّت الكم عمرها |
يا ثمر گلبي وطيبته |
|
يا عمد بيتي وهيبته |
انتو الدليل ودگته |
|
كربله عدكم خُبرها |
انخاكم يولدي |
|
وافو اليوم عهدي |
لتخلوني بالحسره |
|
وافوا الطاهره الزهره |
اتعودون ابسلامه
* * *
اِنته يا عباس يبني |
|
ساعِد حسين وعضيده |
كفلت زينب وانته اخوها |
|
لا تخلّيها وحيده |
اعليك يا عباس املها |
|
نفِّذ الها اشما تريده |
انطاك ابو اليمّه العلم |
|
وتكلّفت امر الحرم |
ويَّه اخوتَك اَهل الشيم |
|
تعنوا لدروب البعيده |
تحرسون العقيله |
|
بهل السفره الطويله |
عينوا زينب الكُبره |
|
وافوا الطاهره الزهره |
اتعودون ابسلامه
* * *
وي ضعنكم روحي راحت |
|
يلولد للغاضريَّه |
لا خبر منكم وصلني |
|
وكثرة اهمومي عليّه |
چنت اتأمّل ضعنكم |
|
بالسلامه ايرد اليّه |
ظلّيت اتاني اعله الدرب |
|
فراگ البنين اشگد صعب |
بالحسبه عايش هالگلب |
|
اوّنته وَنَّه خفيّه |
عفتوني ابعذابي |
|
وابلوعة مُصابي |
اعليّه طالت السفره |
|
وافوا الطاهره الزهره |
اتعودون ابسلامه
* * *
النعي :
أُمكم آنه الهجرتوني |
|
العشت لوعات اِنتظاري |
گلبي ما يهجع ونينه |
|
بالحزن ليلي ونهاري |
گمت انعاكم ونادي |
|
ودمعي عالوجنات جاري |
امّ البنين الاربعه
صاحب ابصوت الفاجعه
گلبي هجركم گطّعه
مادرت راحوا ضحايه |
|
اوافوا الزهره ابدماهم |
أُم البنين عليهاالسلام تخاطب وِلدَها
حسين ابن حامي الحمه |
|
هذا مهجة فاطمه |
وافوا امّه الشافعه |
|
يا بنيني الأربعه |
هذا مهجة فاطمه
* * *
هاي ام البنين الطاهره الحرّه
بولدها الأربعه هليوم مفتخره
طلعت للوداع ابلوعه وبحسره
توصّي كل ولدها ابمهجة الزهره
تِنادي والمدمع يصب |
|
هذا سبّاح الگلب |
شلون گلبي ايودّعه |
|
يا بنيني الأربعه |
هذا مهجة فاطمه
* * *
يولدي ما اوصّيكم بعد بحسين
اَعرفكم نشامه يا حماة الدين
للزهره ابدماكم اَوفو هذا الدين
انتو الشوف لعيوني واخوكم عين
اربع انجوم وگمر |
|
اِعليكم اِحنيت الظهر |
هروش گلبي امگطّعه |
|
يا بنيني الأربعه |
هذا مهجة فاطمه
* * *
آنه اِمكم اوصّيكم يبد أُمكم
حيدر عندي ولهاي الشدد ضمكم
انصروا حسين واتفدّو الأخو ابدمكم
ابلسان التضحيه يا ولدي اكلمكم
لو وصلتو الكربله |
|
ضحّوا دون العايله |
لا تظل متروّعه |
|
يا بنيني الأربعه |
هذا مهجة فاطمه
* * *
من طيبي رضعتوا الطِيبَه يا اَطياب
وربّاكم على الطيبات داحي الباب
هذا اليوم يوم التضحيه ينجاب
يرفعه راسي يلبيكم صرت انهاب
بيكم آنه هيبتي |
|
وبالشدايد نخوتي |
اِنتو شمسي الساطعه |
|
يا بنيني الأربعه |
هذا مهجة فاطمة
* * *
وصلو كربله ونَفذَو اوصيت اِمهُم
ولا بخلوا على ابن الطاهره ابدمهم
راح احسين ينعاهم يكلمهم
يدري ابوالده الطف كربله ظمهم
لجل سبط المصطفه |
|
بالدمه صار الوفه |
الجود منكم مَنبَعه |
|
يا بنيني الأربعه |
هذا مهجة فاطمه
* * *
هاي ام البنين الضحّت الشبان
صارت مظرب الأمثال بالأحسان
جعفر والنشامه الرجّو الميدان
عبد الله وابو بكر وگمر عدنان
دمعة الفرگه جرت |
|
وبولدها ما درت |
صاح صوت الفاجعه |
|
يا بنيني الأربعه |
هذا مهجة فاطمه
* * *
حنين أُم البنين عليهاالسلام
زَرعت الصَبر بدروبك |
|
لمّن خَظَّر اورّد |
وما رديت يوليدي |
|
وعنّك كل خبر ما رَد |
* * *
كل غايب تگول الناس |
|
حتماً يخلص اِغيابه |
وحين الّي يهزّه الشوگ |
|
يرجع يذكر اَحبابه |
وگلبي الجيّة الغيّاب |
|
وللملگه فتح بابه |
لا چف اليدگ بابي |
|
وطالت سفرة احبابي |
يمته اتعود غيابي
ليش الّي تريده الروح |
|
عليّه يا خلگ اَبعد |
* * *
حصدني منجل الفرگه |
|
وصبري مو لِحت گاعه |
ومركب حزني للطف سار |
|
وطواني طويت اِشراعه |
يا يوم الفَرَج يلفي |
|
واشوف احبابي يا ساعه |
يمته اِحبابي يلفوني |
|
هم بيهم يبشروني |
واشوف حسين بعيوني
ابشوفتهم يزول الهم |
|
ونيران الصبر تخمد |
* * *
مرابِع عشرتي ويّاك |
|
ارتوة من دمعة احزاني |
وأيامي اَصبحت جَدبَه |
|
وممحِل صار بستاني |
ليل انهار يوليدي |
|
بيك ايسولف الساني |
وجفني ما غمض لحظه |
|
وگلبي اِبناره يتلظّه |
محّد بالبعد يرضه
رضيت اشلون من بعدك |
|
عمري ايضيع يتفرهد |
* * *
يل روح النبي روحك |
|
فدوه اِتروح اِلك روحي |
حبستك دمعه بعيوني |
|
وحظنتك اَلم بجروحي |
حنين الدوح احنّن ليك |
|
ونوح الفاجده نوحي |
يوليدي وحمام الدوح |
|
تعلّم مني فن النوح |
اداوي اجروح تدّي اجروح
وبيت اَحزاني من همّي |
|
اِنبنه يحسين واتشيّد |
* * *
ما ادري اَصبّر مَن |
|
روحي لو عليلتكم |
وعليلتكم ضناها الشوگ |
|
تجري ادموع فركتكم |
وكل لحظه اَدگ شوفي |
|
وأسچ بدروب جيّتكم |
اعله هالديدان يوميّه |
|
عيوني شابحه اِربيه |
سفرتك طالت اعليّه
شبيدي يبني وشبيدك |
|
دهري ودهرك اِتمرّد |
وديعة فاطمه اِنته |
|
وبگايه عمري واسنيني |
فدوه اتروح الك روحي |
|
وبنيني يا بعد عيني |
يصير الموت حال وصار |
|
حايل بينك وبيني |
يا مهجة گلب فاطم |
|
بس كونَك ترد سالم |
اَفديك اِبگمر هاشم
وكل ولدي الك فدوه |
|
والباري عَلَي يشهد |
* * *
أُم البنين
تخاطب ولدها الحسين عليهالسلام
يا روحي روح الزهره |
|
اِشما ضَحيّت آنه أمقصره |
وبدم ولدي |
|
وكلما عندي |
اكتب عهدي
* * *
يروح المصطفه وروح الزچيّه
خَذِت روحي او رحت للغاضريه
بگيت اَتجرّع اِبچاس المنيّه
صعب فگدك يبو اليمه عليّه
بُعدك صوّب دلالي |
|
وخيّب يحسين آمالي |
دمعة وجدي |
|
حُفرت خدّي |
اكتب عهدي
* * *
انتظرتك وانتظاري اِتعدّه الحدود
ييمه هم ترد سالم اِلّي اِردود
اَكل روحي الصَبرُ واتنطّر اِتعود
يمن گلبي اويه گلبك يبني مشدود
خافن ما ترجع ليّه |
|
وتظل اِعيوني اِربيّه |
وابقه ابوحدي |
|
ابجرحي اليدّي |
اَكتب عهدي
* * *
الك كل لحظه يتكاثر حنيني
اِشوكت يا ساعه يوليدي تجيني
الك فده حياتي وكل بنيني
اَريدن للزچيه اَوفي ديني
لو كل شباني افديها |
|
للزهره ما اوفيها |
اَبذل جُهدي |
|
شأملك اَهدي |
اكتب عهدي
* * *
ليل الّي يمرني ما انامه
اَفكر يمته ترجع بالسلامه
دليلي اويه النَسم يبعث غرامه
اِلك وحدك صبح يبني هيامه
بَعدَك چا شلّي اِبعمري |
|
بأمرك محتاره او امري |
ومنين اَبدي |
|
اِتصوّب چبدي |
اَكتب عهدي
* * *